海外留學洗費唔少，好多學生都會選擇打工幫補一下。其實除左賺外快，不如搵下有咩方法可以降低生活費。以下係幾個海外留學生可以慳到錢嘅方法： 國際學生證 (ISIC) 國際認全日制學生證明文件。留學生憑證可以喺全球超過150個國家享受十幾萬種折扣。當中包括買學術軟件，書店，搭車，食飯 ，機票等等。詳情可以瀏覽： https://www.isic.org/discounts/ Student Universe 專為全球30歲以下大學生／青年提供特惠旅行產品。加航，全日空，英航，聯合，國泰都係SU合作航空公司。出國讀書定回鄉探親，留學生都可以搵到特價機票同酒店。詳情可以瀏覽：https://www.studentuniverse.com/ Unidays 一個提供學生折扣嘅平台。同ISIC相似，但Unidays網站有更多生活上所需要嘅折扣。衫褲鞋襪，化妝品，煮食用品，外賣，電器等等。留學生去到外國洗費拮据，如果知道買每一樣野都可能有折，對佢地生活一定好有幫助。詳情可以瀏覽：https://www.myunidays.com/
近期多咗好多成年人升學。畢業多年後重返校園帶來嘅壓力絕對唔小。同年輕人相比，成年人除左記憶力可能比較弱外，學習過程都會多幾步。尤其是最近好多有學位同工作經驗嘅網友轉科去讀diploma，學習新課程都需要首先忘記已知／認定嘅事。好多可能係現實經歷過嘅，都未必係上堂要記同考嘅。 如果上面形容嘅係你，以下幾點希望會幫到你，雖然睇落好似個個都知，但係真正實行少之有少： 1. 多討論內容 年輕時讀書可以死背。但係成年後記憶唔及以前，所以將新資訊記底最好嘅其中一個辦法就係同人討論。同人討論時會將資訊同自己討論時嘅情緒以及情景勾結。根據心理學研究，同情緒及場景掛勾嘅記憶係會比較鞏固。 2. 將資訊套落經驗 雖然上面提過，成年人學新野好多時要將舊嘅忘記。但係如果能夠將學嘅野套用到落個人經驗，會能夠令新資訊變得更加清晰同易明。 3. 融入遊戲 可能你覺得，成年人玩咩遊戲！？成年人game night聽過未？同幾個同學一齊將上堂筆記融入board game，你嘅好勝心就會輔助你記住需要記嘅野。 4. 將學到嘅教人 教人之前，你先需要自己將內容濃縮、調查、作出總結。所以教其他人嘅時候，你對內容嘅個人理解都會更深入。 當然，最好嘅讀書方法人人唔同。幫助學習嘅亦唔止以上４點。但係如果你重返校園而係學習上有困難，不妨參考以上方法。
好多留學生去到澳洲都會選擇做兼職融入當地文化。做兼職唔單止可以搵外快，仲可以好快認識到好多朋友。但係身為留學生，做兼職都有好多限制。以下幾點就要注意： 1. 時數 國際留學生喺澳洲每兩星期只可以工作40個鐘頭。雖然你可以隨意分配呢40個鐘，例如第一個星期做超過20小時然後下星期減鐘，但係你都唔可以超過呢個時數限制。＊因應疫情關係，以上限制暫時不適用。請密切留意移民局最新消息：https://immi.homeaffairs.gov.au/……/temporary…… 2. 職場權利 雖然你係留學生，但你喺澳洲工作就會得到同當地人同樣嘅職場權利。無論你做咩職位都好，你都會保證獲得最低工資。現時最低工資係23.33澳元。想知道你會有咩職場權利歡迎瀏覽：https://www.fairwork.gov.au/……/visa-holders-and…… 3. 開學前工作 澳洲留學生可以喺課程開始前90日到達澳洲。但係喺呢段時間留學生係唔可以工作。其中一個例外就係義工所以如果你預計會早到澳洲不妨先搵下同你課程有關嘅義工吸取一下經驗。 4. 搞Startup 好多留學生未必會留意，但係其實你亦都可以自己開公司。而且你所做嘅業務除咗需要合法之外，並無限制。對於留學生，呢個方向可能更加靈活地決定自己工作時間同更加適當地平衡讀書同工作。 但係要記住，作為澳洲留學生，你仍然受到每兩星期 工作40 小時上限嘅限制。如果真係決定自己做老闆，咁就記得要確保呢一點。