(中) 成年人升學力不從心？以下3點幫到你

近期多咗好多成年人升學。畢業多年後重返校園帶來嘅壓力絕對唔小。同年輕人相比，成年人除左記憶力可能比較弱外，學習過程都會多幾步。尤其是最近好多有學位同工作經驗嘅網友轉科去讀diploma，學習新課程都需要首先忘記已知／認定嘅事。好多可能係現實經歷過嘅，都未必係上堂要記同考嘅。

如果上面形容嘅係你，以下幾點希望會幫到你，雖然睇落好似個個都知，但係真正實行少之有少：

1. 多討論內容

年輕時讀書可以死背。但係成年後記憶唔及以前，所以將新資訊記底最好嘅其中一個辦法就係同人討論。同人討論時會將資訊同自己討論時嘅情緒以及情景勾結。根據心理學研究，同情緒及場景掛勾嘅記憶係會比較鞏固。

2. 將資訊套落經驗

雖然上面提過，成年人學新野好多時要將舊嘅忘記。但係如果能夠將學嘅野套用到落個人經驗，會能夠令新資訊變得更加清晰同易明。

3. 融入遊戲

可能你覺得，成年人玩咩遊戲！？成年人game night聽過未？同幾個同學一齊將上堂筆記融入board game，你嘅好勝心就會輔助你記住需要記嘅野。

4. 將學到嘅教人

教人之前，你先需要自己將內容濃縮、調查、作出總結。所以教其他人嘅時候，你對內容嘅個人理解都會更深入。

當然，最好嘅讀書方法人人唔同。幫助學習嘅亦唔止以上４點。但係如果你重返校園而係學習上有困難，不妨參考以上方法。